Shkolla në Tiranë u mbyll nga frika e koronavirusit, Ministria e Arsimit i heq licensën

Ditën e djeshme shkolla jopublike në Tiranë “Udha e Shkronjave” lajmëroi se do të mbyllte dyert për dy javë, për shkak të frikës nga koronavirusi.

Ndërsa sot Ministria e Arsimit ka vendosur ti heqë licencën këtij institucioni arsimor.

Lajmin e ka bërë të ditur vetë ministrja Besa Shahini, ku ka treguar për heqjen e licensës si dhe ka  deklaruar se udhëheqsit e shkollës do të ndiqen penalisht për përhapje paniku.

Statusi i Besa Shahinit:

Shkolla mbyllet jashtë planit të vitit shkollor VETËM me urdhër ministri. Udhëheqësit e një shkolle private kishin vendosur të mos respektonin këtë dhe e kanë mbyllur shkollën për 2 javë. Në kushte të kësaj paligjshmërie, jemi të detyruar që shkollës t’ia heqim licencën.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Nxënësit do të transferohen në një shkollë tjetër. Ndërsa udhëheqësit e shkollës që përhapin panik duke mbyllur shkollën në mënyrë të jashtëligjshme, për gjoja parandalim të një situate virale e cila NUK ekziston në Shqipëri, duhet të ndiqen nga organet e drejtësisë.