Shkëmbim zjarri në Shkodër, policia arreston dy autorët e dyshuar (Emrat)

Dy persona janë vënë në pranga nga Policia e Shkodrës pasi dyshohen si të përfshirë në një sherr me armë zjarri mesditën e sotme në lagjen “Parrucë” të Shkodrës.

Kanë qenë tre persona të përfshirë në ngjarje, që sipas raportimeve të deritanishme dyshohet se ka nisur pas një konflikti të çastit.

Në pranga kanë rënë Gledis Ustabeqiri dhe Hygert Muçaj, përkatësisht 26 dhe 32-vjeç, të cilët dyshohet se u konfliktuan me Taulant Ahmetin dhe hapën zjarr duke qëlluar në ajër. Ky i fundit është shoqëruar për t’u marrë në pyetje nga uniformat blu.

Ngjarja ndodhi në orën 14:00, kur fillimisht u raportua se dy makina, një e tipit ‘Benz’ dhe një tjetër ‘Fuoristradë’, shkëmbyen zjarr me njëra-tjetrën teksa kanë qenë në lëvizje.