Një lajm jo i mirë na vjen nga moti për të gjithë ata që duan ditët me diell.
Edhe pse kohët e fundit po shijojmë ditë të ngrohta e të kthjellëta, mesa duket nuk do të zgjasin edhe për shumë gjatë.
Pasi të mërkurën, pra ditën e nesërme, do të shtohen vranësirat ku do të ketë reshje shiu duke nisur nga orët e mesditës.
Kështu, sipas parashikimit të Shërbimit Meteorologjik Ushtarak, reshjet e shiut në intensitet të ulët do të prekin pjesën bregdetare. Në mbrëmje, reshjet me intensitet të ulët do të përfshijnë pjesën më të madhe të territorit, ndërsa në bregdet do të marrin karakter shtrëngatash.
Konkretisht: Era, do të fryjë me drejtim juglindje – veriperëndim e lehtë e mesatare në brigjet detare, duke u shoqëruar me valëzim të ulët.
Temperaturat parashikohen në:
zonat malore 0ºC deri në 12ºC;
zonat e ulëta 2ºC deri në 18ºC;
zonat bregdetare 3ºC deri në 17ºC.
