Ditën e sotme u zhvilluar seanca dëgjimore në kuadër të Vettingut në radhët e Policisë. Ndërsa, gazetari investigativ Artan Hoxha ka komentuar seancën dëgjimore të Gramoz Sakos. Përmes një postimi në rrjetin social Facebook, Hoxha shkruan se përfundimi i hetimit është i paravendosur, pasi ende pa hyrë Sako në sallën e Vettingut, në mendje ishte pasuria e tij.
Më tej, në statusin e tij, Hoxha risjell në kujtesë sesi kryeministri Edi Rama pas ardhur në pushtet në vitin 2013 kishte vendosur që strukturën e Gardës së Republikës ta shkrinte. Sipas gazetarit, një prej efektivëve të Gardës kishte zbuluar një minë të telekomanduar që po tentonte të hynte në Kryeministri duke ndërruar edhe mendjen e kreut të qeverisë.
“Në fillimin e mandatit qeveria Rama e sapoardhur në pushtet, kishte në plan ta shkrinte fare strukturën e Gardës së Republikës. Por u desh zbulimi prej efektivave të Gardës i një mine të telekomanduar vendosur nga një vrasës profesionist me pagesë, poshtë një mjeti që po hynte në oborrin e Kryeministrisë, që “Udhëheqja” të ndërronte mendje,”-shkruan Hoxha ndër të tjera në statusin e tij.
Gjithashtu në postimin e tij, Hoxha risjell në memorie të gjitha ngjarjet që kanë shënuar karrierën e Sakos, duke nisur nga vitet e trazuara të ’97 deri tek tentativa për atentat ndaj ish-ministrit të Brendshëm Perikli Teta.
Postimi:
