Vijojnë kërkimet dhe operacionet për kapjen e personave që janë të përfshirë në rrëmbimin dhe më pas vrasjen e 49-vjeçarit Jan Prenga.
Si rrjedhojë e këtij aksioni, mësohet se forcat RENEA kanë zbarkuar mëngjesin e sotëm në Lezhë dhe kanë “blinduar” qytetin.
Pas Shkodrës dhe Shijakut, Lezha është qyteti i tretë ku dyshohet se ndodhen personat e përfshirë në ngjarjen që tronditi Kamzën më 17 janar të këtij viti.
Nga ana tjetër autoritetet vijojnë kërkimet për gjetjen e trupit të Jan Prengës, pas dyshimeve se ndodhej në zonën e Shijakut.
Kujtojmë se Jan Prenga dyshohet se është rrëmbyer dhe më pas vrarë për shkak të pazareve të drogës, ku vëllai i tij mbajti peng një sasi prej 300 kilogramësh kokainë, e cila mendohet se i përkiste një shqiptari me emrin Dritan Rexhepi, që ndodhet aktualisht i burgosur në Ekuador.
