Një nga ngjarjet që tronditi opinionin publik, ishte rrëmbimi dhe më pas vrasja e 47-vjeçarit Jan Prenga, më 17 janar në zonën e Kamzës.
Shkak për këtë pengmarrje u bënë konfliktet e pazareve të drogës, që vëllai i viktimës kishte me rrëmbyesit.
Ndërkohë ditën e sotme Prokuroria e Tiranës e ka kaluar këtë dosje në SPAK për të kryer hetimet e mëtejshme.
Trupi i Jan Prengës ende nuk është gjetur, dhe sipas dyshimeve autorët janë kujdesur për ta fshehur në zonën e Shijakut.
Për ngjarjen janë arrestuar 4 persona, të cilët sipas prokurorisë janë pjesë e një grupi të strukturuar kriminal.
