Ditën e sotme Gjykata e Apelit ka rrëzuar kërkesën e grupit “Hajri” për të lënë qelinë.
Kështu, është vendosur që të lihet në fuqi vendimi i Shkallës së Parë më 31 Janar, pra të “arrestit me burg”.
Pesë të arrestuarit deri më tani për rrëmbimin dhe më pas vrasjen e Jan Prengës janë : Bajram Hajri, Leonard Hajri, Elton Hajri, Olsi Turjani dhe Festim Bexhdili.
Ndërsa në kërkim është dhe pronari i kompleksit luksoz “Golden” në Shijak, Altin Hajri.
MBi ta rëndojnë akuzat e ‘Rrëmbimi ose mbajtja peng e personit’, ‘Fshehja ose asgjësimi i kufomës’, ‘Veprime që pengojnë zbardhjen e të vërtetës’, ‘Përkrahja e autorit të krimit’, të kryera në bashkëpunim dhe ‘Armëmbajtja pa leje’.
