“Rama nuk më ka uruar”, Alketa Vejziu flet pas Sanremos: Në Shqipëri ishte festë kombëtare

Pas pjesëmarrjes në “Sanremo” festivalin italian të këngës, Alketa Vejsiu vijon të jetë në qendër të vëmendjes. Ndërkohë, mediat italiane po ashtu i kanë kushtuar një vëmendje të madhe prezantueses shqiptare.

E ftuar në “Un Giorno da Pecora”, në Rai Radio1, Alketa ka folur për emocionet që përjetoi në skenën Ariston. Vejsiu është shprehur se ende nuk ka marrë një urim nga kryeministri Edi Rama.

“Kryeministri shqiptar? Nuk më ka telefonuar ende për të më komplimentuar. Besoj se do e bëjë nesër. Në Shqipëri ka qenë gati festë kombëtare, vërtet u preka”, ka thënë Alketa Vejsiu.

Pas pjesëmarrjes në Festivalin e Sanremo, prezantuesja ka thënë se po i shtohen ndjekësit në rrjetet sociale.“Pothuajse dy mijë në orë”, ka thënë ajo.

Më tej Alketa ka thënë se ndër politikanët italianë që ndjek në Instagram është Silvio Berlusconi.

“Unë e ndjek atë jo si politikan, por si sipërmarrës, si themelues i Mediaset. Nuk e njihja kurrë, pse të mos e njoh?”, është shprehur Vejsiu.