LIGJET E BIZNESIT
Arrihet marrëveshja për krijimin e qeverisë së re të Kosovës mes Lëvizjes Vetvendosje dhe Lidhjes Demokratike të Kosovës. Ditën e nesërme në seancën në Kuvend pritet që të votohet qeveria e re.
Ndërkohë, në një konferencë të përbashkët Isa Mustafa dhe Albin Kurti u shprehën se kanë rënë dakord pas disa muajsh negociatat.
Ndër të tjera Kurti deklaroi se do të ketë 15 ministri dhe 33 zv/ministra. Sipas tij Kryetari i Kuvendit i takon Lidhjes Demokratike të Kosovës.
“Sot dakorduam të takohemi edhe nesër në seancë ta zgjedhim qeverinë e re. Ne tashmë e kemi nënshkruar marrëveshjen jemi marrë vesh për të gjitha, edhe për ndarjen e përgjegjësive në kuadër të qeverisë së re ku do të bashkëqeverisim” deklaroi Kurti.
Ndërsa Mustafa u shpreh: “Ne kemi arritur marrëveshje. Besoj se është një marrëveshje e mirë, është në interes të ndryshimeve që duhet të ndodhin domosdoshmërish në vendin tonë. I kemi hulumtuar të gjitha alternativat dhe mundësitë. Ajo që dëshirojmë në të ardhmen është që kjo qeveri të jetë e suksesshme dhe t’i realizojë pritjet e tyre”.
