Një skenë aspak e zakonte ishte ajo që ndodhi sot në mëngjes në Elbasan, në afërsi të fshatit Krastë.
Një drejtues automjeti, i identifikuar si Aldiron Shehu, nuk iu bind policisë për të ndaluar teksa udhëtonte me makinën e tij tip “Passat”, e cila më pas përfundoi e përmbysur pasi u përplas me dy mjete të tjera.
Pas aksidentit, mësohet se Shehu ka rënë në prangat e policisë, ndërkohë që udhëtonte me mjetin me targa të huaja që nga Korça.
Aty ka nisur e gjithë ngjarja, pasi i arrestuari nuk i është bindur policisë për të ndaluar dhe policia ka ngritur postblloqe, të cilave ai nuk i ka ndaluar as në Pogradec e Librazhd.
Ndërsa më pas në Elbasan, Shehu është përplasur me një makinë policie duke plagosur kështu një efektiv dhe ka dalë në krahun tjetër të rrugës duke goditur dhe dy mjete të tjerë.
Gjatë kësaj kohe policia ka qëlluar në ajër për të paralajmëruar Shehun, i cili është kundërpërgjigjur, dhe ne mes te plumbave ka ndodhur edhe aksidenti.
Si pasojë e përplasjes se mjeteve janë plagosur: Eugen Abdurrazaku (polic), Albert Cani, Adriana Muka, Diana dhe Durim Plaka (burrë e grua).
Policia ka mbërritur në vendngjarje dhe ka nisur hetimet për zbardhjen e plotë të rrethanave të ngjarjes.
