Publikon certifikatën/ Stresi i tregon të gjitha vajzave se është i martuar

Mes Kejsit dhe Roza Latit kohëve të fundit, janë shkëmbyer mesazhe virtuale ku nuk kanë munguar dhe fyerjet, sidomos pas rubrikës gazmore “Si ta bëjmë mizën balenë”.

Roza atje bën rolin e një fanseje që i është futur në dhomën e hotelit Stresit, ndërkohë që ky nuk e ka idenë se kush është. Më pas vjen policia dhe arreston reperin, ndërkohë që Roza bërtet “jam shtatzënë, më përdhunoi”.

Kjo skenë nuk u prit aspak mirë nga Kejsi, e cila reagoi nëpërmjet një postimi në ‘Instagram’ dhe tha se kjo nuk ishte aspak për të qeshur dhe nuk kishte pse të prekej dinjiteti i saj.

Debati mes vajzave në rrjete sociale vazhdoi, ndërkohë së fundmi Stresi ka publikuar në “Instastory” certifikatën e martesës me Kejsin duke treguar se ata vazhdojnë ende të jenë të martuar dhe nuk janë ndarë. Në këtë foto ai shkruan: Sa për info goca jam i martuar.