Presidenti i Republikës së Shqipërisë Ilir Meta, dekreton ligjin “Për dhënie amnistie”. Mësohet se nga amnistia, pritet të lirohen menjëherë 175 të burgosur. Nga këta që përfituan amnistinë, 150 janë meshkuj dhe 25 gra si dhe 2 të mitur.
Ndërsa nga amnistia e këtij viti përfitojnë të gjithë ata të burgosur me 2 vite burgim me vendim të formës së prerë deri në 31 dhjetor 2019, si dhe gratë dhe të miturit, të cilët janë dënuar me tre vite burgim. Risia e amnistisë të këtij viti është edhe fakti i të përfshirjes së të dënuarve me shërbim prove.
Dekretet e tjera
Kreu i shtetit dekretoi
Ligjin nr. 6/2020 “Për pranimin e instrumentit të amendamentit të Kushtetutës së Organizatës Ndërkombëtare të Punës, 1986”;
Ligjin nr. 7/2020 “Për ratifikimin e konventës së Minamatës “Për mërkurin”;
Ligjin nr. 8/2020 “Për ratifikimin e marrëveshjes ndërmjet Këshillit të Ministrave të Republikës së Shqipërisë dhe Qeverisë së Republikës së Maqedonisë së Veriut për themelimin e qendrave kulturore dhe informative në Republikën e Shqipërisë dhe të qendrave kulturore dhe informative në Republikën e Maqedonisë së Veriut”;
Ligjin nr. 9/2020 “Për aderimin e Republikës së Shqipërisë në aneksin VI të konventës ndërkombëtare detare “Për parandalimin e ndotjeve nga anijet, 1973”, të ndryshuar me protokollin e vitit 1978 (MARPOL 73/78)”;
Ligji nr. 10/2020 “Për ratifikimin e protokollit të gjashtë shtesë të Marrëveshjes për Forcën Shumëkombëshe të Paqes në Europën Juglindore”.
