Koronavirusi mesa duket nuk ka kursyer as politikanët në botë.
I pari prej tyre i prekur mësohet se është zv.ministri i Shëndetësisë së Iranit, Iraj Harirchi.
Lajmi është konfirmuar nga një zëdhënës i ministrisë iraniane të Shëndetësisë, i cili shtoi se Harirchi është infektuar me koronavirusin COVID-19 dhe ndodhet aktualisht i izoluar në karantinë.
Deri më tani autoritetet iraniane kanë raportuar se 15 persona kanë humbur jetën aty nga koronavirusi dhe 95 janë konfirmuar të prekur.
Presidenti Hassan Rouhani u ka bërë thirrje të gjithë iranianëve që të mos tremben sepse ata “do ta mposhtnin virusin”.
https://www.bbc.com/news/world-middle-east-51628484
