Një nga lajmet që bëri më shumë bujë ditët e fundit është dhe shfaqja e efektives së Operacionit Forca e Ligjit në konferencë me kapele dhe syze dielli të errëta.
Të gjithë mbetën disi të habitur fillimisht nga kjo pamje, duke kërkuar të dinin arsyen e një veprimi të tillë.
Ndërkohë mbrëmjen e djeshme, deputeti i Partisë Socialiste Alket Hyseni, i ftuar në “Repolitix”, ka shpjeguar se përse këta policë shfaqen me syze për të dhënë deklaratat për shtyp.
Ai e cilësoi imazhin e ri të policisë si shpresëdhënës për goditjen e krimit, dhe shtoi ndër të tjera se mbajtja e kapeles dhe syzeve është për shkak të sigursisë së tyre, pasi çështjet me të cilat merren kanë një risk shumë të madh.
“E kam kënaqësi ta shoh imazhin e ri. Tani ky është imazhi i ri i Policisë së Shtetit, nga një polici me bark të madh që pinte birra. Sot janë 5500 policë që kanë dalë nga Universiteti. Ka qëllim të fshehë sytë për të mos u shfaqur publikisht sepse riskojnë. Ne u përpoqëm me vështirësi të mëdha të sjellim një akt për të mirën e sigurisë publike dhe për të mirën e imazhit të këtij vendi. Mesazhi politik që përcjellim është ky: Do ia nxijmë jetë çdo ditë e më tepër krimit. Na prini dhe na ndihmoni në këtë rrugë. Mos u bëni pengesë”, u shpreh deputeti.
