LIGJET E BIZNESIT
Drejtoritë Rajonale të Policisë së Shtetit në bashkëpunim me Forcat e Ndërhyrjes së Shpejt vijojnë aksionet të cilat ishin paralajmëruar për goditjen e elementëve kriminal, personave që qarkullojnë me armë apo dhe me mjete të blinduara pa dokumentacionin përkatës.
Aktualisht, FNSH si dhe efektivët e Drejtorisë së Policisë Pogradec kanë ngritur pika të shumta kontrolli në qytetin e Pogradecit dhe po ushtrojnë kontroll ndaj të gjitha mjeteve për kapjen e lëndëve të ndaluara dhe personat e shpallur në kërkim.
Gjithashtu, në fokus të planit të masave të Policisë janë dhe mjetet e blinduara pa dokumentacionin përkatës, goditja e trafiqeve të paligjshme dhe bllokimi i mjeteve të vjedhura. Edhe në qytetin e Gjirokastrës janë ngritur disa postblloqe për kapjen e personave në kërkim.
Mësohet se rreth 7 postblloqe janë ngritur në gjithë qarkun e Gjirokastrës, duke përfshirë Memaliajn dhe Tepelenën, ndërsa janë sekuestruar dhe disa mjete luksoze.
Kujtojmë se, dhe gjatë ditës së djeshme, Policia e Shtetit ka zhvilluar kontrolle të shumta në Fier e Berat, në kuadër të planit të ri të masave të Policisë së Shtetit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
