Pogradec/ Makina përplas 18-vjeçaren në Buçimas, ja gjendja e saj

Një 18-vjeçare është përplasur nga një automjet teksa po kalonte rrugën në Pogradec. Ngjarja ka ndodhur në afërsi të fshatit Buçimas. Në momentin që këmbësorja po kalonte rrugën, automjeti e ka përplasur atë duke e lënë të lënduar.

18-vjeçarja është transportuar për në spitalin e Pogradecit ku ka marrë ndihmën e nevojshme mjekësore dhe ndodhet jashtë rrezikut për jetën. Ndërsa drejtuesi i mjetit është shoqëruar në komisariat.