Vendi ynë mbetet në kushte të qëndrueshme atmosferike ku kthjellimet do të jenë mbizotëruese në pjesën më të madhe të ditës, por orët e pasdites parashikohet të kenë shfaqje të vranësirave të lehta në territor, ku kryesisht më të dukshme do të jenë përgjatë kufirit Lindor.
Sipas MeteoAlb, temperaturat e ajrit do të vijojnë të rriten në mëngjes dhe në mesditë duke luhatur vlerat minimale dhe maksimale nga -7 gradë C deri në 11 gradë C.
Era do të fryjë e lehtë në tokë, mesatare me shpejtësi 35 km/h nga drejtimi Verilindor duke krijuar në det dallgëzim 3 ballë.
