Përplasja me armë në pedonale ku u plagos 35-vjeçarja, ja çfarë vendosi gjykata për 4 të arrestuarit (EMRAT)

Gjykata e Shkodrës ka dhënë sot masën e sigurisë “arrest me burg” për katër të rinjtë e arrestuar, për përplasjen me armë zjarri në pedonalen e qytetit.

Nga ngjarja e ndodhur me 5 shkurt mbeti e plagosur edhe një kalimtare e rastit, 35 vjecarja Liliana Jeremia, e cila ndodhej aty rastësisht, gjatë momentit që të rinjtë shkëmbyen zjarr me njëri-tjetrin.

Kështu, në seancën sot trupa gjykuese ka vendosur që të lërë në burg Ension Burakun, Argjend Rexhën, Riad Gjeladinin dhe Liridon Lushin.

Dyshohet se objektiv ishte Mirsad Meta, i cili është shpallur në kërkoim nga policia.

Kujtojmë se ngjarja u shënua në pedonalen e Shkodrës, ku Argjend Rexha. Rihad Xheladini dhe Ension Burgaku, qëlluan me armë zjarri në drejtim të Mirsad Metës.

Ky i fundit u përgjigj me breshëri plumbash.

Ngjarja dyshohet se ka ardhur si pasojë e prishjes së pazareve të drogës.