Pasi kërkoi ambasadorët e huaj në gjyq, ja çfarë ndodhi sot në seancën ndaj Arbër Çekajt

Ditën e sotme është shtyrë sërish seanca ndaj Arbër Çekajt, i cili akuzohet për ngarkesën e 613 kg kokainë në një kontenier me banane.

Në seancën e zhvilluar në Gjykatën e Posaçme kunder Korrupsionit dhe Krimit të Organizuar, pritej të lexohej mbrojtja e të pandëhurve.

Por avokatët kanë paraqitur një pretendim të ri.

Avokati Maks Haxhia, pretendoi se CD me përgjime që Prokuroria ia vendosi në dispozicion, nuk mund të hapej dhe ata nuk kanë patur mundësi të njiheshin me këtë provë.

Në seancë nuk kanë munguar dhe përfaqësuesit e ambasadës amerikane.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kujtojmë se herën e kaluar Arbër Çekaj, kërkoi që ata të ishin aty të pranishëm dhe rikujtoi deklaratat e ish-ambasadorit të SHBA, Donald Lu që e cilësoi “peshk të madh”.

Ndërkohë gjyqi është shtyrë për në datën 4 mars, kur do të mbahet dhe seanca e rradhës.