Paniku nga koronavirusi/ Banorët i vënë zjarrin një klinike shëndetësore

Një klinikë në qytetin iranian të Bandar Abbasit u dogj të premten sepse disa njerëz besonin se pacientët me koronavirus nga një qytet tjetër ishin karantinuar në të, sipas raporteve të mediave iraniane.

Thashethemet janë përhapur se 10 persona të infektuar janë transportuar nga qyteti i Qom, epiqendra e virusit në Iran, në Klinikën Towhid, sipas postimeve të mediave sociale. Sidoqoftë, Agjencia e Lajmeve “Fars News Agency” iu referua pretendimeve të njerëzve që transferoheshin në qytetin jugor Bandar Abbas si “thashetheme të pabaza” dhe se këto informacione “zemëruan” disa banorë të cilët më pas i vunë zjarrin klinikës.

Zyrtarët e shëndetësisë thanë që vetëm 34 njerëz kanë vdekur nga virusi deri më tani dhe 388 njerëz janë diagnostikuar.