Panik në Shkodër/ Dy shpërthime të fuqishme me tritol gjatë natës, ja kush ishte objektivi (EMRI)

Qyteti i Shkodrës është tronditur gjatë natës që lamë pas nga dy shpërthime të fuqishme me tritol.

Ngjarja ndodhi rreth orës 02:30 në lagjen Qafë-Hardhi ku sipas informacioneve lënda plasëse ishte vendosur në portën e banesës së shtetasit Nikollë Arraj, i cili është babai i ish-basketbollistit të Vllaznisë Nikolin Arraj.

Tritoli ishte vendosur pranë portës së banesës në dy vende të ndryshme.

Mësohet se nga shpërthimi nuk ka persona të lënduar, por vetëm dëme materiale, porta është dëmtuar dhe xhamat e banesës janë thyer.

Sipas burimeve Nikollë Arraj ndodhet bashkë me familjen në Shtetet e Bashkuara të Amerikës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Policia ka mbërritur në vendngjarje dhe po punon për zbardhjen e plotë të rrethanave apo ndonjë konflikti që mund të ketë patur familja në fjalë.