LIGJET E BIZNESIT
Operacioni Forca e Ligjit, në vijim të aksionit për goditjen dhe sekuestrimin e pasurive të vëna në mënyrë të paligjshme, ka shënjestuar sot një tjetër figurë, shkodranin Bardhok Pllanaj.
Emri i tij ka dalë në skenë në vitin 2014, ku gjatë operacionit “Laguna e Vilunit” u sekuestruan një ton hashash.
Asokohe Planaj ishte me fat, pasi nuk arriti të kapej.
Por një episod me ish-deputetin Mark Frroku kujtohet nga të gjithë, pasi ky i fundit mbrojti Mark Pllanajn duke u futur në makinën e tij, ku u ndalua nga policia por po atë ditë u lirua.
Kujtojmë që Pllanaj u pa në një restorant në zonën e Shallvareve në Tiranë, nën shoqërinë e një deputeti dhe një drejtuesi të lartë policie.
Më pas “ i forti” i Shkodrës hypi në makinën “Audi” të Frrokut, i cili nuk i la policët të bnënin kontrolle me pretendimin se ishte deputet dhe gëzonte imunitet.
Në vitin 2018, Pllanajt iu sekuestrua një pallat 10-katësh me vlerë 2 milionë euro. Burimi i pasurisë dyshohej se rridhte nga aktiviteti kriminal. Pllanaj rezulton i dënuar në Gjermani për trafik lëndësh narkotike.
Ndërsa një vit më parë, Pllanajt iu sekuestruan edhe 20 pasuri prona, apartamente, biznese, troje, makina etj kryesisht në Dobraç të Shkodrës.
Por ‘aktiviteti’ i tij nuk mbaron me kaq, pasi në tetor të 2019-ës, Pllanaj theu masën e sigurisë “arrest shtëpie” duke dalë, por vetëm disa orë më pas u arrestua në qytetin e Lushnjes.
