“Nuk të fal kush lekë kot” kreu i konfindustrisë shqiptare zbulon pse u dhurua ajo shumë e madhe

I ftuar në emisionin Opinion kreu i Konfindustrisë Shqiptare Gjergj Buxhuku ka folur rreth çështjes së dhurimit të donacioneve në Konferencën e mbajtur sot në Bruksel.

Pyetjes së drejtuesit të emisionit se si ka mundësi që janë dhuruar kaq shumë donacione, më shumë se praktika e zakonshme që dhurohet pothuajse gjysma e dëmit, ndërsa në rastin tonë kaloi kjo shumë. Eksperti i ekonomisë u shpreh se nuk te fal kush lekë kot dhe kjo ka ardhur për disa arsye.

“E para Bashkimi Europian e di se vende si Shqipëria e kanë të vështirë rimëkëmbjen në të tilla raste. Gjithashtu është edhe politikë e BE-së për vendet që aspirojne unionin.

Nuk duhet të harrojmë se jo të gjitha dhurimet janë në monedhë pasi përfshihen edhe projekte, donacione, kredi, trajnime, ekspertiza etj. Gjithsesi është një shumë e konsiderueshme, për këtë duket se biem në një mëndje të gjithë.“- u shpreh ai.