“Nuk je para policëve këtu” Ngjela sherr me zv.ministrin: Kush je ti ore? Pusho se ika

Mbrëmjen e djeshme një debat i fortë ka ndodhur mes avokatit të njohur Spartak Ngjela dhe zv.ministrit të Brendshëm Julian Hodaj.

Në kohën që po diskutonin paketën e cilësuar si Anti-KÇK, të dy të ftuar në programin “Open” , kanë nisur të përplasen me njëri-tjetrin.

Ngjela u shpreh se operacioni “Forca e ligjit” nuk është ligj por institucion, ndërsa zv. ministri i kërkoi të lexonte ligjin.

Kjo shprehje e irritoi avokatin, dhe paralajmëroi se nëse drejtuesja Eni Vasili nuk do ndërhynte për të qetësuar situatën, atëherë ai do të largohej nga studio.

DEBATI

Ngjela: Nuk je para policëve që po flet këtu

Hodaj: Lexo Kushtetutën

Ngjela: Nuk bëj fare debat me ju. Policët i keni lënë rrugëve pa veshur… Dëgjo këtu. Rama të ka prurë ty këtu?

Vasili: Është zv.ministri i Brendshëm

Ngjela: Edhe ministrin s’do ta pranoja

Hodaj: Lexo nenin 101 të Kushtetutës. Iniciativa e qeverisë është koncept i njohur

Ngjela: Kushtetuta është interpretim teorik. Kushtetuta ashtu do thotë, tani më lërni ta vazhdoj. Komunizmi e quajti kapitalizmin krim të organizuar dhe shkatërroi kapitalin. Unë nuk lejoj policinë të na tregojë se kush është kapitali i saktë. Ai nuk ka krijuar një ligj, por një institucion, OFL. Fakti që ky ka gjithë këto probleme si ligj dhe nuk kalon në Parlamnet..

Hodaj: Kalon brenda 45 ditësh

Ngjela: Nuk kalon ore, do e rrëzojë Parlamenti…. Nuk ke të drejtë të ndërhysh!

Hodaj: Lexo ligjin!

Ngjela: Të lutem të vazhdoj. Kush je ti ore që më ndërpret?

Hodaj: Po nuk njeh ligjin.

Ngjela: Kush ta jep të drejtën? Hoxha i fshatit? Pushoje zonjë se unë ika!

Eni Vasili: Nuk ikën asnjë.

Ngjela: Iki zonjë se nuk është normale.