Nis aksioni për goditjen e KÇK, ky është ‘i forti’ i parë që do i verifikohet pasuria

Policia e Shtetit ka nisur operacionin “Forca e Ligjit” , në kuadër të aktit normativ “Anti-KÇK”.

Mësohet se 12 drejtoritë vendore të policisë kanë përgatitur një liste me emrat e të gjithë personave që preken nga ky akt normativ.

Më pas ky material i është përcjellë në departamentin e policisë kriminale, ku po përgatitet për tu kaluar në SPAK.

Burime nga Operacioni Forca e Ligjit thanë për News 24 se kanë nisur punën për verifikimin e pasurisë së Altin Hajrit në Shkozet i shpallur në kërkim si i përfshirë në rrëmbimin dhe dhunimin deri në vdekje të 49-vjeçarit Jan Prenga.

Hajri për më shumë se një dekadë e gjysmë ka qenë një nga boss-et më të njohur të trafikut të heroinës afgane nga Shqipëria në drejtim të Italisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Emri i tij është rregjistruar gjatë bisedave të përgjuara nga prokuroria për llogari të dosjes 339, si i implikuar bashkë me persona të tjerë të botës së krimit në zonën e Shijakut dhe të Durrësit të përfshirë në blerjen e votave gjatë zgjedhjeve parlamentare të vitit 2017.