Ngjarje tragjike në Itali, shqiptari vret gruan dhe tenton vetëvrasjen (EMRAT)

Një tragjedi e vërtetë mund të cilësohet ajo që ka ndodhur në një familje shqiptare në Genova të Italisë.

Ngjarja e rëndë ndodhi pasditen e djeshme, ku një grua shqiptare e identifikuar si Laureta Zyberi, 43 vjeç, është gjetur e pajetë në apartamentin ku punonte si pastruese shtëpie në lagjen Marassi.

Fakti që e bën edhe më fatale këtë ngjarje, është se edhe bashkëshorti i saj Eduart Zyberi është gjetur afër gruas i plagosur.

Ishte pronari ai që i gjeti të dy trupat të mbuluar me gjak, dhe njoftoi menjëherë policinë dhe ndihmën e shpejtë.

Për fat të keq gruaja shqiptare ndërroi jetë në vend, ndërsa burri është në spital në gjendje kritike për jetën.

Mediat italiane bëjnë me dije se dyshimet e para janë se krimi është kryer me armë të ftohtë.

Sipas informacioneve dyshohet se burri është autori  i krimit, i cili ka tentuar më pas edhe vetëvrasjen.

Më pas pritet edhe një njoftim zyrtar i autoriteteve italiane, ndërkohë që po kryhen të gjitha verifikimet për zbardhjen e plotë të ngjarjes tronditëse.

Burimi: https://www.ilsecoloxix.it/genova/2020/01/31/news/femminicidio-a-genova-uccide-una-donna-e-poi-c-erca-di-togliersi-la-vita-1.38408271