Një 25-vjeçar shqiptar, i identifikuar si Endri Zaimi, ka humbur sot tragjikisht jetën si pasojë e një aksidenti të ndodhur në Belluno të Italisë.
Mediat italiane raportojnë se makina me të cilën ai po udhëtonte është përplasur me një kamion në Ponte nelle Alpi.
Drejtuesi i kamionit po kthehej nga puna ndërkohë që 25-vjeçari shqiptar po kthehej me makinë me familjen, gruan dhe dy fëmijët e vegjël.
Në vendin e ngjarjes mbërritën forcat zjarrfikëse që mundën të nxjerrin personat nga makina, por fatkeqësisht 25-vjeçari kishte ndërruar jetë në vend.
Ndërkohë, kamionisti nuk është lënduar nga aksidenti.
