Ngjarje tragjike në Mirditë/ Vëlla e motër i vrau ish-bashkëshorti i viktimës

Në lidhje me ngjarjen tragjike të ndodhur në Mirditë mbrëmjen e sotme ku vëlla e motër    Esmeralda Filopati, 36 vjeçe dhe Vledison Filopati, 34 vjeç mbetën të vrarë, vjen dhe reagimi i policisë.

Sipas policisë ka qenë ish-bashkëshorti i vajzës të ndjerës që ka kryer krimin dhe më pas është larguar nga vendi i ngjarjes.

Informacion paraprak:

Më datë 25.02.2020, në Kodër Rrëshen, Mirditë, rreth orës 20.40, në oborrin e banesës, janë vrarë me armë zjarri shtetasit V.F dhe motra e tij shtetasja E.F.  Nga informacionet e para dyshohet se  janë qëlluar me armë zjarri nga shtetasi F.K nga fshati Zejmen Lezhë, ish-bashkëshorti i shtetases E.F, i cili pas krimit është larguar menjehërë nga vendngjarja.

Në drejtim të vendngjarjes kanë shkuar forca të shumta të Policisë dhe Grupi hetimor. Gjithashtu në vendngjarje kanë shkuar forcat speciale Renea dhe FNSH e Shkodrës. Shërbimet e Policisë  po krehin zonën për të bërë të mundur kapjen dhe arrestimin e autorit.