Moti ‘i tërbuar’ me shi dhe borë, këto janë rrugët ku shoferët duhet të bëjnë kujdes

Pas motit të keq me shi edhe reshje dëbore, Autoriteti Rrugor Shqiptar ka dalë sot me një njoftim.

Në të jepet informacion në lidhje me gjendjen e akseve kombëtare, si edhe në cilat rrugë shoferët duhet të tregojnë kujdes apo ku duhet të përdorin zinxhirët.

Rajoni Verior
Në rajonin verior gjatë natës ka pasur reshje shiu dhe dëbore. Qarkullimi në të gjitha segmentet e këtij qarku kryhet pa zinxhirë.
Në segmentin Kuben-Vasie, Qafë e Buallit-Krastë, Ura e Cerenecit-Qafë Dragalicë qarkullimi kryhet pa zinxhirë. Rekomandohet përdorimi i tyre në segmente të vogla, si pasojë e borës që sjell era në rrugë  kontraktorët e mirëmbajtjes janë në terren për të bërë të mundur pastrimin e të gjitha akseve.

Rajoni Qendror
Në rajonin Qendror nuk ka probleme në qarkullim e mjeteve.
Rekomandohet përdorimi i zinxhirëve në segmentin Lunik-Steblevë, kontraktorët e mirëmbajtjes po punojne  për pastrimin e plotë të të gjithë segmeteve të këtij Rajoni.

Rajoni Jugor
Reshjet e borës në Qarkun e Korçës kanë filluar në orën 4 të mëngjesit. Trashësia arrin deri në 15. Në segmentin Boboshticë-Dardhë reshjet vazhdojnë. Kalimi nga km 5 deri në 14 rekomandohet me zinxhirë për makinat e vogla. Në segmentet e tjera nuk ka probleme në qarkullim,

Të gjithë kontraktorët janë në terren me mjete e punëtorë për pastrimin e akseve rrugore dhe monitorimin e situatës rast të përkeqësimit të motit. Drejtuesit e mjeteve  të tregohen të kujdesshëm gjatë qarkullimit, sidomos gjatë orëve të para të mëngjesit dhe përgjatë natës, të reduktojnë shpejtësinë, të pajisen me goma dimërore dhe zinxhir, të respektojnë sinjalistikën dhe udhëzimet e Policisë Rrugore.