“Mos u habisni kur të goditet edhe..” Paralajmërimi i fortë i Taulant Ballës pas aksionit të ‘Operacionit Forca e Ligjit’

Kryetari i grupit parlamentar të Partisë Socialiste Taulant Balla ka bërë sot një paralajmërim të fortë.

Në një prononcim përpara gazetarëve Balla u shpreh se në vijim Operacioni Forca e Ligjit do të godasë edhe pasuritë e organizatave që kanë lidhje me grupe të caktuara terroriste jashtë Shqipërisë.

Numri 2 i PS u shpreh se ndihet i keqardhur që opozita e kundërshton paketën anti-KÇK.

“Më vjen keq që rikonstatoj vetëvrasje politke nga opozita që e kundërshton këtë akt, kundër krimit të organizuar e terrorizmit, duhet të kujtojmë që fokusi i ligjit është asetet apo llogartitë bankare apo pasuri të tjera që mund të jenë ngritur, se në të shkuarën kemi pasur konfiskime të pasurive të organizatave me lidhje me grupe të caktuara terroriste jashtë Shqipërisë, dhe skaneri i OFL do veprojë po njëlloj, mos u habisni të ketë edhe goditje apo skanim të cdo lloj pasurie që mund të fshehë në background e vet edhe lidhje të këtij niveli”, u shpreh Balla gjatë fjalës së tij.