LIGJET E BIZNESIT
Presidenti Ilir Meta duket se nuk do të ndalet në luftën e tij kundër mazhorancës.
Kështu, mësohet se sot ai do të depozitojë në SPAK kallëzimin penal ndaj ministres së Drejtësisë Etilda Gjonaj.
Lajmin e bën të ditur, zëdhënësi i Presidentit, Tedi Blushi, me anë të një postimi në rrjetet sociale.
Ai thekson se Kreu i Shtetit do të depozitojë sot personalisht në ora 13:00, në Prokurorinë e Posaçme SPAK, kallëzimin penal për Ministren në detyrë të Drejtësisë, Etilda Gjonaj dhe funksionarë të tjerë të lartë të përfshirë në veprimtari të rëndë kriminale, në funksion të grushtit të shtetit.
“Presidenti i Republikës Sh.T.Z Ilir Meta do të depozitojë sot personalisht në ora 13:00, në Prokurorinë e Posaçme SPAK, kallëzimin penal për Ministren në detyrë të Drejtësisë, Etilda Gjonaj dhe funksionarë të tjerë të lartë të përfshirë në veprimtari të rëndë kriminale, në funksion të grushtit të shtetit”, thuhet në njoftimin e zëdhënësit të Metës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kujtojmë që vetëm pak ditë më parë, Meta u shpreh se Gjonaj, për llogari të qeverisë dhe në kundërshtim me ligjin, urdhëroi botimin në Fletoren Zyrtare të vendimit të KED për publimin e listës përfundimtare për vendin vakant të Gjykatën Kushtetuese.
Lista e KED kryesohej nga Arta Vorpsin, emër jo i zgjedhur nga Meta, i cili në vend të saj preferoi Marsida Xhaferllarin.
Meta e akuzoi Gjonajn gjithashtu si të përfshirë në një skenar për grusht shteti, ku në këtë tentative, do të dorëzohen edhe provat në SPAK.
Gjithashtu aty sipas Kreut të Shtetit rezultojnë të jenë përfshirë vetë ministrja por dhe disa zyrtarë të tjerë të lartë për llogari të kapjes së Gjykatës Kushtetuese.
