Nuk ndalen aksidentet e rënda në vend. Një i tillë u shënua dje në Mogila të Vasjarit, 3 km nga Memaliaj, rreth orës 14.30. Aksidenti i mori jetën dy mësuesve që punonin në shkollat e fshatrave përreth, Loenard Sako dhe Ornida Hoxha.
Ishin katër mësues që po ktheheshin në shtëpi pasi kishin mbaruar mësimin. Dy pasagjerët e tjerë kanë mundur të dalin nga mjeti tip Benz me targa TP0700B ku ata udhëtonin. Makina doli nga rruga duke përfunduar në kanalin kullues buzë rrugës.
Mësuesit, banues të qytetit Memaliaj, përshkonin këtë rrugë përditë prej disa vitesh pune si mësues. Drejtuesi i mjetit, mësuesi 43-vjeçar i frëngjishtes ishte baba i tre fëmijëve të mitur. Kurse mësuesja 36-vjeçare ishte nënë e dy fëmijëve të vegjël.
Paraprakisht po hetohen dy shkaqe për aksidentin njëra mund të ketë qenë shpejtësia dhe tjetra ndonjë problem teknik i mjetit.
Gjithashtu, burimet nga uniformat blu dyshojnë se ky aksident me pasoja të rënda mund të ketë ndodhur edhe për arsye shëndetësore që mund të ketë pësuar drejtuesi i mjetit, raporton Panorama.
