Me 10 kg kokainë në makinë, 32-vjeçari shqiptar arrestohet në Itali

Policia italiane ka vënë në pranga një 32-vjeçar shqiptar teksa udhëtonte me makinë në autostradën A22 pranë Veronës.

Shqiptari është ndaluar nga Guardia di Finanza, por ka shfaqur nervozizëm gjatë komunikimit. Për këtë arsye policia ka vendosur të kontrollojë automjetin, duke kërkuar ndihmën e njësisë së qenve antidrogë.

Nga kontrolli janë gjetur të fshehura pesë pako kokainë me një peshë totale prej 10 kilogramësh. Kokaina ishte fshehur në panelet anësore të makinës, raporton neësbomb.al.

Policia italiane bën me dije se shqiptari është me banim në Gjermani. Droga e kapur, nëse do të hidhej në treg do të kapte vlerën e 2 milion euro.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern