“Mbështes hapjen e negociatave me Shqipërinë, por…” Macron tregon kushtin e vetëm

Ditën e sotme një sinjal pozitiv ka ardhur nga Franca përsa i përket hapjes së negociatave të Shqipërisë me Bashkimin Europian.

Është presidenti Emmanuel Macron, i cili është shprehur se e mbështet këtë proces por vetëm në rast se rezultatet e raportit të Komisionit Europian (KE) që do të dalë në mars për Shqipërinë dhe Maqedoninë e Veriut, do të jenë pozitive.

Këto komente Macron i ka bërë gjatë Konferencës për Sigurinë që po zhvillohet aktualisht në Mynih.

 “Ne po presim për raportin që del në muajin mars… varësisht, nëse rezultatet janë pozitive dhe ka besim, atëherë ne do të jemi në pozitë që të hapim negociatat”, është shprehur Macron, sipas raportimit të agjencisë Reuters.