Makineria e së vërtetës/ Ambasadorja Yuri Kim jep mesazhin e fortë: Një tjetër ‘armë’ për të luftuar korrupsionin në Shqipëri

Ditën e sotme u mbajt ceremonia e certifikimit të 5 ekspertëve që u trajnuan në SHBA në lidhje me testin e makinerisë së të vërtetës.

E pranishme aty ishte dhe ambasadorja amerikane në Shqipëri Yuri Kim, e cila  deklaroi se kjo është një nismë shume e madhe.

Kim e cilësoi këtë pajisje dhe ekspertët si një tjetër “armë” të Shqipërisë në luftën kundër korrupsionit dhe zbatimit të ligjit.

“Është një gur shumë i rëndësishëm. Përparimi i Reformës  në Drejtësi është element i rëndësishëm i të ardhmes tuaj. Jam e kënaqur që të shoh suksesin e këtyre studentëve që bënë 400 orë në shkencat e poligarfisë.

Kanë studiuar psikologjinë teknikat e intervistimit dhe teknikat  e testit. Instruktorja e ka vlerësuar përkushtimin e tyre dhe disiplinën e tyre në kurs. Dua të shpreh falenderimin tim për eksperten Lori Kosiarek. Për punën që ka bërë. Zonja Kosiarek i ka bërë këto studente pjesë e jetës së saj dhe do të punojë në praktikë për ta.

Më lejoni ta përsëris se ky është një moment shumë i rëndësishëm i Shqipërisë, por edhe të diplomuarëve. Shqipëria ka ligjin e ri për Spakun që kërkon që anëtarët e BKH ti nënshtrohen testit të poligrafit.  Ata janë një tjetër armë në arsenalin e Shqipërisë për të luftuar korrupsionin dhe për të zbatuar shtetin ligjor.”, u shpreh ambasadorja gjatë fjalës së saj.