“Lum Shqipëria për Tao Taon” Presidenca ultimatum Ballës: Ke kohë deri më datë 2…

Ditën e sotme kryetari i grupit parlamentar të Partisë Socialiste Taulant Balla u shpreh se askush nuk mund të pengojë të ardhmen europiane të vendit për qëllime personale.

Menjëherë pas kësaj deklarate të Ballës, ka ardhur dhe reagimi i Presidencës.

Zëdhënësi i presidentit Ilir Meta, Tedi Blushi i kujton Ballës faktin se deri tani ka festuar tre herë për hapjen e negociatave.

Në fund ai shkruan se do të dalin fakte të reja, dhe i drejtohet Ballës duke i thënë se ka kohë deri më datë 2 mars që të marrë kthesën e rradhës.

REAGIMI I PLOTE I ZEDHENESIT TEDI BLUSHI

Lum Shqipëria për Tao Taon se ky vetëm për hapjen e negociatave punon.
Ka harruar që e ka festuar tre herë çeljen e negociatave deri tani.
Ka harruar që ngritja e Gjykatës Kushtetuese është kyç për çeljen e tyre.
Po ligjin anti-kushtetues Dvorani pse e miratuat pa pritur Venecian?”.

S’ka nevojë, thotë Tao Tao, sepse pamë disa sugjerime që Venecia u ka dhënë disa vendeve të tjera që kanë Kushtetutë tjetër nga e jona, dhe s’mund të ndalonim ta bënim fakt të kryer ligjin mafioz të rrëmbimit të Gjykatës Kushtetuese.

Po me ish-ambasadorin e nderuar Cutillio që ju lutët të dilte në TV e të vinte në diskutim dekretin e Presidentit si do ia bëni? Apo s’ka problem se ai iku e s’merr vesh që ju e pretë në besë.

Po me ambasadën e SHBA si do ia bëni, se edhe ajo bëri goxha deklaratë për të thirrur Venecian?

Se ju si proamerikanë të paparë s’lëvizni asnjë presje pa u konsultuar me ta?
Duan të sabotojne ndihmat (borxhet) thotë Tao. Vetëm një PPP e tyre shkon 1 miliardë euro. Edhe 20 miliardë euro borxhe të japë bota, duke rrëmbyer Gjykatën Kushtetuese në mënyrë mafioze nga kjo bandë, asgjë nuk do shkojë në xhepat e shqiptarëve, por në xhepat e tyre dhe të disa kreditorëve.

Ah po, shqiptarët do fitojnë si gjithmonë shumëfishimin e taksave.

Fakte të reja do dalin Tao, dhe ti ke kohë deri në 2 mars të marrësh kthesën e radhës, siç e merr gjithmonë.