LIGJET E BIZNESIT
Bashkia e Tiranës ka paditur në polici kreun e Partisë Demokratike, Lulzim Bashën për dhunë ndaj recepsionistes në godinën numër katër në qytetin studenti.
Në një njoftim të ndarë për mediat, zyra e shtypit të bashkisë Tiranë njofton se kreu i PD-së së bashku më katër shoqërues të tij ka hyrë me dhunë në mjediset e brendshme të Godinës numër katër në Qytet Studenti.
“Pasditen e sotme, kryetari i Partisë Demokratike, Lulzim Basha, së bashku me katër shoqërues të tij, jo studentë, të pajisur me kamera për show-n e radhës, ka hyrë me dhunë në mjediset e brendshme të Godinës Nr. katër në Qytetin Studenti.
Bashkia e Tiranës dënon dhunën e ushtruar ndaj recepsionistes së Godinës nr.katër në Qytetin Studenti nga qytetari Basha dhe tabori i tij i figurantëve, që prej disa ditësh kanë nisur të xhirojnë klipe nëpër Tiranë, si këngëtarë tallavaje, dhe dëshiron të informojë qytetarët se ka nisur menjëherë procedurat për denoncimin e tij para organeve ligjzbatuese si dhunues.
Bashkia e Tiranës sqaron se në mjediset e godinave të Qytetit Studenti mund të hyhet vetëm duke marrë një leje paraprake pranë Drejtorisë së Konvikteve, procedurë e cila ndiqet rigorozisht edhe nga familjarët e studentëve që banojnë në ato godina. Lulzim Basha nuk ka kërkuar dhe nuk ka marrë leje për të hyrë në Godinën nr.katër.”– njofton ndër të tjera bashkia.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
