LIGJET E BIZNESIT
Ditën e sotme një aksident i rëndë më pasojë vdekjen e dy mësuesve ka ndodhur në Memaliaj. Në këtë aksident humbën jetën 2 mësues të cilët ishin duke u kthyer nga shkolla Krahës në Tepelenë, ndërsa u plagosën dhe dy të tjerë. Për këtë aksident ka reaguar Konfedereta e Sindikatave të Shqipërisë.
Në reagimin e saj KSSH ngre shqetësimin për transportin e mësuesve dhe nxënësve, ku thotë se zyra Arsimore Tepelenë duhet të mundësojë transportin e tyre, por kjo çështje është lënë prej vitesh në harresë.
“Vdekja e dy mësuesve tragjedi e paralajmëruar dhe babëzia e MAS me tenderat e transportit arsimtarëve. Ata udhëtonin me makinë private, teksa mjeti doli nga rruga dhe mësuesja gjeti vdekjen.
Tenderat fiktive u kopsitën dhe mësuesit ngelën në rrugë të madhe sa me makina private edhe me makina rasti. Përballë këtij skandali sindikatatat që qeveria u ka dhënë leje të mbrojnë të drejtat e arsimitarëve heshtin”, shkruhet ndër të tjera në reagimin e KSSH.
Sipas KSSH kjo problematikë për transportin e mësuesëve dhe nxënësve është në 60 bashki.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“E njëjta problematikë është në 60 bashki të vendit, ku tenderat për transportin janë ndër aferrat kurruptive kryesore të zyrave arsimorë dhe institucionet heshtin përballë këtij abuzimi që sot mori 2 jetë njerëzish”, shkruhet më tej në reagim.
Nga aksidenti fatal që ndodhi në Memaliaj humbën jetën 2 mësuesit Leonard Sako dhe Orinda Hoxha, 36 vjeçe. Sakaq raportohet se 2 mësues të tjerë që i kanë shpëtuar mrekullisht aksidentit janë plagosur rëndë dhe po marrin ndihmë mjekësore në spital.
Reagimi i KSSH:
Vdekja e dy mësuesve tragjedi e paralajmëruar dhe babëzia e MAS me tenderat e transportit arsimtarëve. Një asksident tragjik është rregjistruar këtë të premte në aksin rrugor Memaliaj- Krahës, ku viktima kanë mbetur dy mësues të shkollës së Krahës në Tepelenë dhe dy mësues të tjerë kanë mbetur të plagosur rëndë.
Leonard Sako dhe tre kolegët e tij po ktheheshin në shtëpi pas përfundimit të procesit mesimor kur mjeti i tyre është përfshirë në një aksident, teksa makina ka rënë në humnerë pas përplasjes më një tjetër mjet. Konfedereta e Sindikatave të Shqipërisë i shpreh ngushëllimet familjeve të dy arsimitarëve dhe ngren edhe njëherë shqetësimin për transportin mësuesëve dhe nxënësve. KSSH uron shërim të shpejtë për mësuesit e tjerë të plagosur.
Zyra Arsimore Tepelenë duhet të mundësojë transportin e mësuesëve dhe nxënësve me furgon ose autobuz, por kjo çështje është lënë prej vitesh në harresë. E njëjta problematikë është në 60 bashki të vendit, ku tenderat për transportin janë ndër aferrat kurruptive kryesore të zyrave arsimorë dhe institucionet heshtin përballë këtij abuzimi që sot mori 2 jetë njerëzish. Shumë mësues janë të detyruar të japin mësim në zona të thella malore larg shtëpive dhe Zyrat Arsimore i detyrojnë të shkojnë me makinat private.
Fondet e parashikuara për transportin e mësuesëve vidhen sistematiksht dhe hetimet e nisura nga MAS nuk finalizohen asnjëherë as nga organet ligjzbatuese.Me 19 dhjetor 2019 në Arrëz të Korçës mësuesja Luiza Dule, 48 vjeçe humbi jetën në një aksident rrugor dhe të plagosur mbetën edhe 6 mësues të tjerë.
Ata udhëtonin me makinë private, teksa mjeti doli nga rruga dhe mësuesja gjeti vdekjen. Pas asaj tragjedie KSSH i kërkoi Ministrisë Arsimit ti japë zgjidhje çështjes së transportit të mësuesëve por premtimi dhe zotimi i Ministrisë Arsimit mbeti në letër. Tenderat fiktive u kopsitën dhe mësuesit ngelën në rrugë të madhe sa me makina private edhe me makina rasti.
Përballë këtij skandali sindikatatat që qeveria u ka dhënë leje të mbrojnë të drejtat e arsimitarëve heshtin. Këto pseudosindikata heshtin dhe pse kanë nënshkruar kontratat kolektive me MAS, Heshtja e këtyre sindikatave nëpërkëmb dinjitetin e arsimtarit shqiptar.
KSSH i kërkon organeveprokurorisë të hetojë këto kontrata kolektive dhe të nisë një hetim për tenderat fiktive për transportin e nxënësve dhe arsimtarëve
