Kosova ndalon importin nga Kina

Dogana e Kosovës e ka ndaluar importin nga Kina. Kosovarët në masë të madhe përdorin produkte nga ky vend.

Sipas Doganës së Kosovës 125 milionë kilogramë produkte janë importuar nga ky shtet në vitin 2019-të, që së fundmi po ballafaqohet me virusin vdekjeprurës të njohur si koronavirus.

Ndërkaq edhe Agjencia e Ushqimit dhe Veterinarisë ka kërkuar kontroll të veçantë ndaj produkteve ushqimore që vijnë nga Kina.

Tashmë disa produkte janë larguar nga përdorimi.

Mirëpo qytetarët e Kosovës nuk mendojnë se autoritetet vendore po marrin masat e duhura për t’u mbrojtur nga ky virus.

Deri më tani, në Kosovë nuk është raportuar asnjë rast me koronavirusin.