Është arrestuar personi që kërcënoi me jetë drejtorin e Përgjithshëm të Burgjeve Agim Ismaili.
Mësohet se ka rënë në pranga shtetasi Muharrem Z.
Mbi të rëndon vepra penale e kanosjes dhe keqpërdorimit të thirrjeve telefonike pasi kërcënimin ndaj Ismailit e ka bërë me anë të një mesazhi në telefon, nga një numër që nuk mund të identifikohej.
Ka qenë vetë Agim Ismaili i cili ka bërë kallëzimin penal për kërcënim.
Shantazhuesi u gjet me anë të gjurmimit të mesazheve të gjetura në telefon.
Dyshohet se kërcënimi ka të bëjë me funksionin e Ismailit dhe kjo vjen pas zbatimit të regjimit “41 Bis”. Drejtori i Përgjithshëm i Burgjeve, Agim Ismaili, ka rreth 1 vit në këtë detyrë, pasi zëvendësoi Stefan Çipën.
Nuk është hera e parë që në drejtim të Ismailit vinë kërcënime me jetë, ku një prej tyre i ka ardhur dhe nga burgu i Drenovës.
Agim I smaili vite më parë, ka mbajtur postin e drejtorit të Agjensisë Kombëtare të Ushqimit, postin e nëndrejtorit të Parandalimit dhe Pastrimit të Parave. Për disa vite ka punuar edhe në Drejtorinë e Policisë Elektrike.
