Më datë 26 dhe 27 shkurt, pra të mërkurën dhe të enjten e kësaj jave, tetë kandidatët për Byronë Kombëtare të Hetimit (BKH) do të zhvillojnë intervistat.
Ky lajm u bë i ditur nga vetë BKH përmes një deklarate për mediat. Ndër të tjera theksohet se intervista do të zhvillohet në salljen e mbledhjes së SPAK.
Secili nga kandidatët do të kenë 1 orë në dispozicion, për t’u përgjigjur pyetjeve të anëtarëve të Komisionit të Përzgjedhjes. Ndësa, i gjithë procesi do të kryet në saj të monitorimit të Komisionit të Pavarur të Rishikimit nga Komisioni Ndërkombëtar.
Kandidatët që do të intervistohen të mërkurën janë Aida Veizaj, Ardian Çipa, Artur Beu dhe Ervin Hodaj, ndërsa të enjten do të intervistohen Gentian Shehaj, Lindita Nushi, Idajet Faskaj dhe Ylli Pjetërnikaj. Të gjithë kandidatët do të kenë një orë kohë në dispozicion për të shpalosur platformën e tyre për drejtimin e BKH.
Ndërkohë, BKH ka bërë edhe një sqarim, sipas tyre për spekulimet mediatike, në lidhje me kandidatët që kanë ngelur në testin e poligrafit.
Sqarimi i BKH
Komisioni i Përzgjedhjes gjithashtu sqaron që spekullimet në media në lidhje me numrin e kandidatëve që mund të kenë ngelur në testin e poligrafit nuk janë të vërteta. Rezultatet e testeve të poligrafit janë konfidenciale dhe rregullat për aksesimin e një informacioni të tillë janë shumë të rrepta. Sikurse është përcaktuar në Ligjin Nr.95/2016 për SPAK-un, raportet e ekzaminimeve të poligrafit ‘do të merren në konsideratë’ nga Komisioni i Përzgjedhjes për të përzgjedhur kandidatin më të mirë që do të emërohet Drejtor i BKH-së.
