“Kam dhe unë të metat dhe gabimet e mia” Basha shfaqet ndryshe, ecën i shkujdesur nëpër rrugët e Tiranës (VIDEO)

Kryetari i Partisë Demokratike Lulzim Basha është shfaqur në një mënyrë krejt të re nga se e kemi parë deri më sot.

Me hashtagun “Po të dëgjoj” ai është prezantuar përpara qytetareve tërësisht jashtë kornizës standarte të politikës.

Lideri demokrat është takuar me qytetarët, nëpër rrugët e kryeqytetit dhe rrëfen se ata kërkojnë të njëjtat gjëra.

Mirëpo në tekstin e videos vihet re dhe një reflektim, ku Basha shprehet se ka të mirat dhe se ka bërë gabime në të kaluarën, ashtu si cdokush, por se gjithmonë do u shërbejë shqiptarëve dhe do vërë ata të parët.

“Kudo që shkoj me këdo që flas, njerëzit kërkojnë të njëjtat gjëra: mundësi, punësim, shëndetësi dhe arsim të denjë, zbatim të ligjit, një qeveri që kujdeset për ta, një qeveri që i dëgjon. Si çdokush dhe unë kam të metat e mia dhe e di shumë mirë se kam bërë edhe gabime në të kaluarën por një gjë ua premtoj të gjithë shqiptarëve, se gjithmonë do ju dëgjoj, gjithmonë do t’ju shërbej dhe se gjithmonë do t’ju vë ju të parët”, shprehet Basha.