LIGJET E BIZNESIT
Presidenti Ilir Meta ka vijuar fjalimin e tij në konferencën e jashtëzakonshme që po mban.
Nga zyra e tij në Presidencë ai ka deklaruar se ka përpjekje për grusht shteti, dhe do të marrë pjesë në seancën plenare të rradhës të Komisionit të Venecias, ku do të tregojë fakte të rënda për dosjen “Dvorani”.
‘Bazuar në kërkesën e Kuvendit dhe më pas të presidentit, Komisioni i Venecias i konfirmoi Kuvendit se në 13-14 shkurt do të vinte një delegacion. Kuvendi i Shqipërisë në mënyrë të pabesë, të pamoralshme, ndërkohë që anëtarët e Venecias mbërritën në Tiranë, në 12 shkurt votuan në seancën plenare, në errësirë të plotë ligjin për disa ndryshime mbi emërimin e gjyqtarëve, duke ia hequr të drejtën e betimit para Presidentit. Përmbajtja e këtij ligji dhunon në mënyrë flagrante nenin 129 të Kushtetutës, votimi i këtij ligji është një tjetër atentat.
Ky ligj synon vendosjen e këtij procesi në kontrollin politik të rilindjes duke dhënë mesazhin se cdo emërim do bëhet vetëm duke kaluar testin e rilindjes. Kjo është një fyerje shumë e rëndë që i bëhet Komisionit të Venecias por edhe ambasadorëve që i dolën në krah për këtë cështje që është aq e thjeshtë sac është abetarja. I kërkoj ndjesë komisionit të venecias që u keqpërdor nga mazhoranca në funksion të mbulimit të shtetit”, tha Meta duke u ndalur sipas tij edhe te faktet për një grusht shteti.
“Republika po përjeton gjendjen e rëndë të kapjes së shtetit. Unë konfirmoj se do të marr pjesë në seancën plenare të komisionit të Venecias ku do t’i njoh të gjithë të pranishmit me fakte dhe më të rënda të përpjekjes për të realizuar një grusht shteti në këtë vend”, u shpreh Presidenti ndërsa vijoi:
“Ne teatër s’kemi apo jo? Rilindja është teatri dhe estrada numër një e këtij shteti.
Më 8 nëntor, kryetari i kuvendit i thotë Ardian Dvoranit, midis të tjerave i thotë:
‘për të garantuar të drejtën e cdo kandidati, Kuvendi kërkon të informohet nga KED mbi procesin e deritanishëm sipas kushtetutës dhe ligjit.
Tani përgjigja që i jep Dvorani pa mbledh KED që është një votë në 9 vota të KED, në mos i kanë bërë letrat në një zyrë…
Në fund fare ky i thotë që ditën e sotme, pra data 8, ditën e sotme pranë KED nuk ka ardhur ndonjë njoftim nga PRESIDENTI, gjithashtu edhe në faqen zyrtare të presidentit nuk rezulton të jetë bërë publike ndalimi i ushtrimit të së drejtës së Gjykatës Kushtetuese të emërimeve .
Tani këta nuk dinin gjë as njëri e as tjetri (lexon letrën që Presidenti u ka dërguar institucioneve)
Që më 5 nëntor, Presidenti ia thotë Rucit, Dvoranit dhe Ballancës si dhe për dijeni edhe ambasadave.
Ambasadave që nuk i zë gjumi këtu për reformën në drejtësi që paguajnë që shqipëria të shkëlqejë në fushën e shtetit ligjor”, theksoi presidenti.
