LIGJET E BIZNESIT
Listës së personave që do t’i bashkohen thirrjes së Presidentit Ilir Meta për të mbajtur një tubim më 2 mars përpara godinës së Kryeministrisë, i është shtuar edhe kompozitori i njohur dhe njëkohësisht ish-deputeti i Partisë Socialiste Limoz Dizdari.
Meta ka reaguar entuziast menjëherë pas këtij vendimi të Dizdarit, duke e cilësuar atë një artist të madh, dhe një prej reformatorëve të PS dhe me kontribute historike si Kushtetuta e vitit 1998, që Kreu i Shtetit e quan si një nga më demokratiket e Europës.
“Një mirënjohje e zjarrtë i shkon sot kompozitorit tonë të madh Limoz Dizdari, për solidaritetin e tij me kauzën mbarëkombëtare për mbrojtjen e Kushtetutës së Shqipërisë.
Aq më tepër kur vjen nga një artist i madh me kontribute të spikatura publike, dhe nga një prej reformatorëve të Partisë Socialiste me kontribute historike, që me vizionin e tyre e bënë Shqipërinë me një nga Kushtetutat më demokratike në Europë.
Ja si e bënin Kushtetutën socialistët e ndershëm e patriotë ne vitin 1998. Ndërsa sot shkelet e përdhoset me pabesi dhe poshtërsi ndaj sovranit që e votoi më 22 nëntor 1998 me Referendum.
Faleminderit Profesor Limozi!
Jam shumë herë më i bindur në drejtësinë e kauzës tonë të përbashkët!”, shprehet Presidenti.
