Detaje të reja vijojnë të dalin nga dy shpërthimet me tritol që tronditën Shkodrën natën e kaluar.
Sipas informacioneve paraprake, lënda plasëse u vendos në dy vende të ndryshme pranë portës së banesës së Nikolin Arrajt, ish-basketbollistit të Vllaznisë.
Shpërthimet ishin të njëpasnjëshme dhe shumë të fuqishme.
Si pasojë nuk pati njerëz të lënduar por vetëm dëme materiale.
Ngjarja u shënua rreth orës 02:30 në lagjen “Qafë-Hardhi”.
Nikolin Arraj nuk jeton momentalisht në banesë, pasi ndodhet bashkë me familjen jashtë Shqipërisë.
Ai ka qenë në ekipin e Vllaznisë për disa vite.
Më pas në vitin 2016, Nikolin Arraj ishte mes 9 personave të arrestuar si inspektor në Drejtorinë Rajonale të Tatim Taksave në Shkodër, por më vonë ai fitoi gjyqin dhe u shpall I pafajshëm.
