LIGJET E BIZNESIT
Prej ditësh tashmë një nga temat më të komentuara është edhe Operacioni Forca e Ligjit, i ndërmarrë së fundmi nga Policia e Shtetit për goditjen e krimit të organizuar.
Deri më tani 7 personave u është sekuestruar pasuria, ndërsa 7 të tjerëve u është dërguar formulari ku duhet të deklarojnë të ardhurat brënda 48 orëve.
Ndërkohë në lidhje me këtë temë ka folur edhe gazetarja Klodiana Lala, ku ka zbuluar ndër të tjera edhe një detaj shumë të fortë për pasurinë e një prej personazheve më të lakuar, të konsideruar si ish-kreun e bandës së Durrësit, Lulzim Berisha.
Lala e ka quajtur atë që po ndodh me OFL si fyese për secilin nga shqiptarët.
E ftuar në opinion Lala ka zbuluar se Lulzim Berishës i është sekuestruar pasuria me garanci të një ish-deputeti të Partisë Socialiste.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Këtyre personazheve nuk mund tu merret më asnjë qindarkë. Kanë një histori të mbyllur me drejtësinë. Marrim rastin e Lulzim Berishës, është dënuar me burgim të përjetshëm, u çel një hetim për gjyqtarët që e liruan dhe nuk e di çfarë ndodhi. 7 vendime gjykatash ka për pasurinë e tij dhe Lulzim Berishës i është liruar pasuria me garanci të ish-deputeti të PS. Në atë kohë rezultoi që pjesë më e madhe e pasurisë së tij, rezultoi që i përkiste një ish-deputeti të PS. Është fyese për mendjen e çdo shqiptari në këtë vend. Shkon Lulzim Berisha dhe deklaron… E di cili është qëndrimi i ligjzvënesit, duhet të hetojë me SPAK me BKH që të gjejë ato pasuri”, deklaroi Lala në studio.
