LIGJET E BIZNESIT
Mbrëmjen e djeshme ka ndodhur një grabitje me dhunë në fshatin Cernenë në Maqellarë të Dibrës.
Mësohet se pre e kësaj ngjarjeje, kanë rënë një cift bashkëshortësh, të cilët ndodheshin vetëm në banesë pasi fëmijët i kanë jashtë Shqipërisë.
Grabitja ka ndodhur rreth orës 23-00, kur në momentin që ata kanë qenë duke parë televizor kanë dëgjuar një të trokitur të derës.
“Ishte ora 11: 00 duke pare televizor, trokit dera e shtëpisë. Dolëm te dera, bërtisnin hapni derën dhe ne nuk e hapëm. Ia futi një emër koti, e dëgjova në zë që nuk është ai emër, se s’kishte lidhje me mua ai më dhe filluan t’i binin derës me shkelma. Ishin 5-6 veta, dera u hap, u futën brenda, dy kapën gruan, dy mua dhe të tjerët kontrolluan në shpi, na rrahën se ne bëmë një çfarë rezistence se të futet njeriu në shpi, unë i rashë atij, ai mua. Morën ça kishin për të marrë dhe ikën. Bashkëshortes i kanë thyer dy brinjë dhe gishtin. Nuk e dimë sa kanë marrë, disa varëse, byzylykë të gruas dhe vajzave. Erdhi policia, i morëm me celularin e komshijes“, tregon i zoti i shtëpisë, Rrahman Dulja.
Sipas çiftit grabitësit nuk kanë pasur as maska dhe as doreza, por vetëm me kapuçë në kokës. Sipas tyre, grabitësit kanë qenë të moshës 22-23 vjeç.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Pasi ata janë larguar nga banesa, bashkëshortja ka rendur për të parë burrin, i cili ndodhej shtrirë në tokë.
E gjithë grabitja ka ndodhur brenda 5 minutash. Pasi grabitësit janë larguar, çifti ka shkuar te fqinjët për të kërkuar telefon pasi grabitësit ua kishin marrë. Ata kanë lajmëruar policinë më pas e cila ka mbërritur në vendin e ngjarjes.
Të dy bashkëshortët ndodhen në spital dhe sipas mjekëve kanë pësuar goditje të forta, por ndodhen jashtë rrezikut për jetën.
Ndërkohë uniformat blu janë në kërkim për të identifikuar grabitësit dhe për ti vënë në pranga.
