Një sasi prej 20 kg heroinë është zbuluar nga policia spanjolle e fshehur 1.5 metra në tokë. Lënda narkotike u zbulua nga qentë antidrogë.
Deri më tani, 11-të persona kanë përfunduar në pranga përfshirë një shqiptar me banim në Te Illa de Arousa (Pontevedra) dhe një çift nga Carballo (A Coruña).
Arrestimet u kryer në qytetet Galicia dhe Madrid, ku janë sekuestruar përveç 20 kg heroinë, edhe 40,000 euro para të gatshme, 11-të automjete, një armë gjahu dhe një armë e simuluar, makineri për paketimin me vakum, telefona dhe kompjuterë të shumtë.
Operacioni filloi në mes të janarit 2019-të, kur u vu re rritja e shitjes së substancave narkotike. Garda Civile Coruña, e përqendroi hetimin e saj në Goians, duke kontrolluar një shtëpi ku banuan një çift të dy me rekorde të shumta për trafikun e drogës.
Pas vëzhgimit të hollësishëm në këtë vendbanim, agjentët zbuluan disa vizita të bëra, me masa të shumta sigurie nga një individ me kombësi shqiptare, banues në A Illa de Arousa. Pas kësaj, ishte e mundur të zbulohej lidhja e ngushtë me një individ tjetër gjithashtu me precedentë në fushën e narkotikëve, të cilët kryenin udhëtime të shumta në Madrid.
Një bandë e organizuar
Pas zbulimit të detajeve të shumta, Garda Civile dhe Policia lokale zhvilluan operacionin kundër organizatës që drejtohej nga një shqiptar, i cili ishte i ngarkuar për të vendosur kontakte me blerësit e ndryshëm në Komuniteti Galilian, si dhe kryente negociatat përkatëse.
Organizata kishte një grup shpërndarësish të vendosur në Humanes në Madrid, të cilët përdornin makina të ndryshme, brenda së cilave ishin krijuar hapësira të mbështjella me plumb për të transportuar drogën. Në këtë mënyrë, policia e kishte të pamundur të zbulonte lëndën narkotike gjatë kontrolleve rutinë.
Kur këto automjete ishin përgatitur për transport, ata u regjistruan përsëri me targa nga Rumania dhe u dorëzuan personave që ishin të ngarkuar të bënin udhëtime të gjata në bord për në vendet e ndryshme të Evropës, kryesisht Holandë, ku ata merrnin ngarkesat për t’u rikthyer përsëri në Spanjë, sipas Gardës Civile.
