LIGJET E BIZNESIT
Dy vëllezër janë vënë në prangat e Policisë së Lezhës pasi goditën me sende të forta punonjësit e Policisë Bashkiake, duke iu shkaktuar dëmtime në trup.
Menjëherë pas njoftimit të policisë, janë arrestuar në flagrancë A.LL 22 vjeç dhe A.LL 26 vjeç, banues në Shëngjin. Momentin e dhunimit, policët bashkiakë po identifikonin muret që kanë zënë hapësirat publike pa leje.
Pas arrestimit, dy vëllezërit janë shoqëruar për në komisariat.
Njoftimi i policisë
Goditën për shkak të detyrës punonjësit e Policisë Bashkiake, vihen në pranga 2 vëllezër.
Specialistët e Hetimit të Krimit në Komisariatin e Policisë Lezhë kanë bërë arrestimin në flagrancë të shtetasve: A. Ll., 22 vjeç dhe A. Ll., 26 vjeç, banues në Shëngjin.
Arrestimi i tyre u bë, pasi dy vëllezërit, në bashkëpunim me njeri-tjetrin, kanë goditur me sende të forta duke u shkaktuar dëmtime 2 punonjësve të Policisë Bashkiake
Në Shëngjin, punonjësit e Policisë Bashkiake kanë qenë duke ushtruar detyrën mbi bazën e planit për identifikimin dhe prishjen e mureve që kanë zënë hapësirat publike pa lejen përkatëse dhe gjatë komunikimit me shtetasin Gj. Ll., i ati i dy vëllezërve, i cili ka pretenduar mosprishjen e murit të rrethimit të banesës së tij , 2 djemtë i kanë goditur me mjete të forta.
