LIGJET E BIZNESIT
Pas frikës dhe panikut që ka kapluar të gjithë qytetarët shqiptarë në lidhje me koronavirusin, ka reaguar edhe kryeministri Edi Rama.
Ai ka komentuar të gjithë ato gjëra që thuhen në media dhe rrjete sociale për këtë situatë.
Rama vendos në krye ata që i quan “politikanët e së keqes që duan kaos, rrëmujë, dëshpërim”, sipas tij, “në përpjekjen e dëshpëruar për të kthyer të shkuarën që i ka marrë me vete përgjithnjë!”.
REAGIMI I PLOTE I KRYEMINISTRIT EDI RAMA
Koronavirusi nuk luftohet me politikë, as me gjithollogji dhe aq më pak me frikë dhe lëre pastaj me panik! Ne kemi qysh momentin e parë të shfaqjes së tij që përgatitemi, në bashkëpunim të ngushtë me Organizatën Botërore të Shëndetësisë.Kemi bërë e po bëjmë çdo gjë sipas planit…
Fatkeqësisht ky vend në çdo vështirësi a fatkeqësi natyrore ose emergjencë shëndetësore që shfaqet,duhet të përballet dhe me fatkeqësinë e tij të të madhe të kanaleve e portaleve ku lulëzon injoranca,ligësia,dembelizmi e grykësia e maskarallëkut që në këto raste bëhet çnjerëzor..
Dhe në krye të të tërë delenxhinjve e parazitëve që lëshohen mbi publikun në nevojë për informacion, kanë dalë përsëri, si gjithnjë, politikanët e së keqes që duan kaos, rrëmujë, dëshpërim, në përpjekjen e dëshpëruar për të kthyer të shkuarën që i ka marrë me vete përgjithnjë!
